Batys Qazaqstan oblysynda taǵy bir oqýshydan koronavirýs anyqtaldy, dep habarlaidy "Ult aqparat".
BQO Taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetinen málim etkenindei, koronavirýs Oral qalasyndaǵy mektepterdiń birinde kezekshi topta bilim alatyn 2-synyp oqýshysynan anyqtaldy.
Epidemiologiialyq tekserý barysynda oqýshynyń indetti úiden, atasynan juqtyrǵany belgili boldy. Naýqasta aýrý esh simptomsyz ótýde.
Oqýshynyń 14 synyptasy men eki muǵalimnen synama alyndy. Test qorytyndysy olardyń bárinde de koronavirýstyń joqtyǵyn kórsetti.
Mektepte dezinfektsiialyq jumystar júrgizilip, kezekshi synyp karantinge jabyldy.
