mgorod.kz
Batys Qazaqstan oblysyndaǵy aýyldardyń birinde taǵy bir bala tokqa tústi, - dep habarlaidy Tengrinews.kz agenttigi mgorod.kz saityna silteme jasap.
Basylym málimetinshe, bala aýdandyq aýrýhanaǵa jatqyzylǵan.
Jazataiym oqiǵa 24 mamyrda Kaztalov aýdany Bostandyq aýylynda bolǵan. 6 jasar bala oinap júrip, transformatorǵa jaqyndaǵan. Sóitip, balany elektr togy soqqan. Aýdandyq aýrýhananyń bas dárigeri Zinýr Satkeshtiń aitýynsha, balanyń jaǵdaiy ortasha.
"Bala alaqany men mańdaiynan 1-2 dárejeli elektr jaraqatyn alǵan. Qazir ol aýrýhanada jáne barlyq qajet emdi alyp jatyr", - dedi aýdandyq aýrýhananyń bas dárigeri.
Aýyldyq okrýg ákimi Aslanbek Sarmalaev transformator sharýa qojalyǵynyń basshysyna tiesili ekenin jáne qorshalmaǵanyn aitty.
"Transformator ielerine únemi olardy qorshaý keregin aitamyz. Mundai problema tek jeke transformatorlarǵa emes, elektr jelilerine de bailanysty. Ony eshkim kire almaityndai etip qorshaý kerek", - dedi Aslanbek Sarmalaev.
Buǵan deiin Batys Qazaqstan oblysynda oinap júrip, transformator ustaǵan 5 jasar bala qolynan aiyrylǵany habarlanǵan bolatyn.
