Batys Qazaqstan oblysynda sońǵy aptada 20 adam koronavirýstan qaitys boldy, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, qazirgi tańda oblysta 1459 tósektik 20 infektsiialyq statsionarda 573 naýqas emdelýde.
Sonyń ishinde Oral qalasynda 911 tósektik 7 aýrýhanada 455 adam jatyr.
Statsionarlardaǵy 109 tósektik jansaqtaý bólimshelerinde 41 naýqas em qabyldaýda.
Sońǵy aptada aldyńǵymen salystyrǵanda, aýrý juqtyrý kórsetkishi 6,9 paiyzǵa (63 naýqasqa) azaidy.
Basqarma málimetine qaraǵanda, biyl jyl basynan beri indet juqtyrǵan 25 201 adamnyń 17 533-inde aýrý belgileri bolsa, 7668-i – simptomy joqtar.
Qańtardyń 1-inen beri 2058 baladan indet tabylsa, sonyń 1993-i jazylyp shyqty. 65-i áli aýyryp jatyr.
Oblysta turǵyndardy vaktsinatsiialaý jumysy jalǵasýda. Kúni búgin 9491 meditsina qyzmetkeri, 15 973 pedagog, 4411 quqyq qorǵaý organdarynyń ókilderi (89,27 paiyz), ónerkásip kásiporyndarynyń 2896 qyzmetkeri (99,01 paiyz), sondai-aq meditsinalyq-áleýmettik jáne jabyq balalar mekemelerinde jumys isteitin 1292 adam (94.1 paiyz) ekpe saldyrdy.
