Batys Qazaqstan oblysynda sońǵy aptada 45 adam koronavirýstan kóz jumdy, dep habarlaidy "Ult aqparat".
BQO densaýlyq saqtaý basqarmasy málim etkenindei, óńirde indet bastalǵannan beri barlyǵy 596 naýqas koronavirýstan qaitys boldy.
Oblysta osy kezge deiin 32514 adam koronavirýs juqtyrsa, sonyń 24814-i jazylyp shyqty.
Sońǵy táýlikte 156 naýqas tirkeldi.
Aldyńǵy aptamen salystyrǵanda, aýyrǵandar sany 10,7 paiyzǵa (118-ge) azaidy.
Basqarma málimetine qaraǵanda, jyl basynan beri 23293 adam syrqattansa, sonyń 1892-si – balalar. Sonyń ishinde 1801-i jazylsa, 91 bala áli aýyryp jatyr.
Qazirgi tańda oblysta 1459 tósektik 20 infektsiialyq statsionarda 640 naýqas emdelýde. Aýrýhanalar 43,9 paiyzǵa tolǵan. Sonyń ishinde Oralda 911 tósektik 7 statsionarda 515 adam em qabyldaýda (56,3 paiyz). Jansaqtaý bólimshelerinde 109 tósek-oryn bolsa, sonyń 51-inde naýqastar (46,8 paiyz) jatyr.
Óńirde turǵyndardy egý jumystary jalǵasýda. Osy kezge deiin 9336 meditsina qyzmetkeri, 15428 pedagog (97,13 paiyz), quqyq qorǵaý organdarynyń 4369 qyzmetkeri (88,4 paiyz), ónerkásip kásiporyndarynyń 2747 jumysshysy (93,9 paiyz), sondai-aq meditsinalyq-áleýmettik jáne jabyq balalar mekemeleriniń 1274 qyzmetkeri (92,8 paiyz) vaktsina qabyldady.
