باتىس قازاقستان وبلىسىندا سوڭعى اپتادا 45 ادام كوروناۆيرۋستان كٶز جۇمدى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسى مەلٸم ەتكەنٸندەي, ٶڭٸردە ٸندەت باستالعاننان بەرٸ بارلىعى 596 ناۋقاس كوروناۆيرۋستان قايتىس بولدى.
وبلىستا وسى كەزگە دەيٸن 32514 ادام كوروناۆيرۋس جۇقتىرسا, سونىڭ 24814-ٸ جازىلىپ شىقتى.
سوڭعى تەۋلٸكتە 156 ناۋقاس تٸركەلدٸ.
الدىڭعى اپتامەن سالىستىرعاندا, اۋىرعاندار سانى 10,7 پايىزعا (118-گە) ازايدى.
باسقارما مەلٸمەتٸنە قاراعاندا, جىل باسىنان بەرٸ 23293 ادام سىرقاتتانسا, سونىڭ 1892-سٸ – بالالار. سونىڭ ٸشٸندە 1801-ٸ جازىلسا, 91 بالا ەلٸ اۋىرىپ جاتىر.
قازٸرگٸ تاڭدا وبلىستا 1459 تٶسەكتٸك 20 ينفەكتسييالىق ستاتسيوناردا 640 ناۋقاس ەمدەلۋدە. اۋرۋحانالار 43,9 پايىزعا تولعان. سونىڭ ٸشٸندە ورالدا 911 تٶسەكتٸك 7 ستاتسيوناردا 515 ادام ەم قابىلداۋدا (56,3 پايىز). جانساقتاۋ بٶلٸمشەلەرٸندە 109 تٶسەك-ورىن بولسا, سونىڭ 51-ٸندە ناۋقاستار (46,8 پايىز) جاتىر.
ٶڭٸردە تۇرعىنداردى ەگۋ جۇمىستارى جالعاسۋدا. وسى كەزگە دەيٸن 9336 مەديتسينا قىزمەتكەرٸ, 15428 پەداگوگ (97,13 پايىز), قۇقىق قورعاۋ ورگاندارىنىڭ 4369 قىزمەتكەرٸ (88,4 پايىز), ٶنەركەسٸپ كەسٸپورىندارىنىڭ 2747 جۇمىسشىسى (93,9 پايىز), سونداي-اق مەديتسينالىق-ەلەۋمەتتٸك جەنە جابىق بالالار مەكەمەلەرٸنٸڭ 1274 قىزمەتكەرٸ (92,8 پايىز) ۆاكتسينا قابىلدادى.
