Batys Qazaqstan oblysynda Reseiden kelgen jambyldyq jumysshydan koronavirýs anyqtaldy, dep habarlaidy "Ult aqparat".
BQO ákimdigi málim etkendei, kórshi elde jumys isteitin Jambyl oblysynyń turǵyny Reseimen shektesetin «Syrym» avtoótkelinen ótken kezde densaýlyǵyna shaǵymy bolmaǵan.
Algoritmge sáikes sanitarlyq-karantindik beket epidemiologtary jedel járdem shaqyryp, karantindik statsionarǵa jatqyzylǵan.
Sonymen qatar buryn aýyrǵandarmen qarym-qatynasta bolǵan oblystaǵy 10 turǵynnan zerthanalyq synama alynǵan kezde olardyń indetke shaldyqqany anyqtaldy.
Koronavirýs juqtyrǵan taǵy bir adam – profilaktikalyq maqsatta zerthanalyq synama alynǵan meditsina qyzmetkeri. Endi biri – Atyraý oblysynyń Teńiz ken ornynda jumys isteitin óńir turǵyny. Dene qyzýy kóterilgennen keiin ol provizorlyq statsionarǵa túsken.
PTR diagnostikalyq zertteý qorytyndysymen barlyq 13 adamda COVID-19 diagnozy rastalyp, oblystyq juqpaly aýrýlar aýrýhanasyna jatqyzyldy.
Naýqastarmen bailanysta bolǵandar baqylaýǵa alynyp, aýrý oshaqtarynda dezinfektsiialyq jumystar júrgizildi.
Osylaisha BQO-da aýyrǵandar sany 352-ge jetip, sonyń 189-y jazylyp shyqty.
