Foto: uralskweek.kz
Batys Qazaqstan oblysynyń prokýratýrasy mamandandyrylǵan tabiǵat qorǵaý prokýrory qyzmetinen ketkenin habarlady, dep jazady "Ýralskaia nedelia".
Tamyz aiynyń basynda áleýmettik jelilerde tabiǵat qorǵaý prokýroryna uqsaityn er adamnyń kóshede mas kúide turǵandai videosy taraǵan. Qadaǵalaý organynda qyzmettik tekseris júrgizildi.
"Foto men beinejazbanyń naqty túsirilgen kúnin obektivti sebepterge bailanysty anyqtaý múmkin bolmady. Sonymen birge, qoǵamda úlken rezonans týyndap, áleýmettik jeli qoldanýshylary men aqparattyq internet-resýrstar oqyrmandary arasynda kóptegen pikirtalastar boldy. Qyzmettik tekseristiń nátijeleri jáne oblys prokýratýrasynyń tártiptik komissiiasynyń usynysy boiynsha Bisqaliev A.M. tolyq qyzmettik sáikessizdik týraly eskertý túrindegi tártiptik jaýapkershilikke tartyldy. Sonymen qatar, memlekettik qyzmetkerlerdiń moraldyq-etikalyq beinesine qoiylatyn joǵary talaptardy túsine otyryp, Bisqaliev A.M. basshylyqqa qyzmetinen bosatý týraly raportpen júgindi", - dep habarlady prokýratýra.
Sonymen qatar 20 tamyzda ol Batys Qazaqstan oblysynyń mamandandyrylǵan tabiǵat qorǵaý prokýrory qyzmetinen bosatylǵany habarlandy.
Eske sala keteiik buǵan deiin áleýmettik jelilerde er adamnyń, boljam boiynsha, Batys Qazaqstan oblysynyń tabiǵat qorǵaý prokýrory ekeni jáne onyń kúndizgi ýaqytta Oral qalasynyń kóshelerinde mas kúide júrgendei kórsetilgen video taraǵan bolatyn. Bul kadrlar qoǵamda úlken rezonans týǵyzdy. Artynsha oblys prokýratýrasy tergeý bastaǵanyn málimdedi.
