Foto: pixabay.com
BQO-nyń Jánibek aýdandyq soty aýdandyq ishki ister bóliminiń orynbasary, politsiia maioryna qatysty qamaýǵa alý túrindegi bultartpaý sharasy sanktsiialandy. Oǵan alaiaqtyq jasady degen kúdik taǵylyp otyr. Bul týraly "Moi gorod" habarlady.
24 tamyz kúni politsei sharýa qojalyǵynyń basshysynan 400 myń teńge talap etken. Onyń ornyna politsei bir jyl boiy qoldaý kórsetip turýǵa ýáde bergen. Alǵashqy bóligin tamyz aiynda, al ekinshisin qyrkúiekte alǵysy kelgen.
"Zardap shegýshi mal ósirýmen, satýmen jáne qaita satýmen ainalysqan. Aýyl turǵyny politseidiń sharttarymen kelisip, 28 tamyz kúni oǵan 200 myń teńge bergen", – dep habarlady oblystyq sottaǵylar.
Alaida keiinirek aýyl turǵyny politseidiń talaptary zańsyz ekenin túsinip, sybailas jemqorlyqqa qarsy qyzmetke júgingen. 14 qyrkúiek kúni politsiia qyzmetkeri kelisilgen somanyń qalǵan bóligin alý kezinde ustaldy.
Endi politsei alaiaqtyq baby boiynsha qylmystyq jaýapkershilik arqalaýy múmkin. Politsiia maioryna tergeý barysynda elden shyǵýǵa tyiym salyndy.
