Batys Qazaqstan oblysynda para aldy dep aiyp taǵylǵan politsei qyzmetinen qýyldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, patrýldik politsiia batalony saptyq bólimshe qyzmetiniń inspektoryna qatysty QR QK 366-babyna (para alý) sáikes qylmystyq is qozǵalǵan.
BQO boiynsha sybailas jemqorlyqqa qarsy qyzmettiń tergeý basqarmasy biylǵy maýsymda qylmystyq isti bitirip, oblys prokýratýrasyna joldaǵan.
Qyzmet tártibin óreskel buzǵany úshin atalǵan qyzmetker «Quqyq qorǵaý qyzmeti týraly» QR Zańyna sáikes ishki ister organdarynan qýyldy.
Aita keteiik, qazirgi kezde qylmystyq is Oral qalalyq sotynda qaralýda. Alaida sot otyrysyna kýágerler kelmegen. Olardy májbúrlep keltirý týraly sheshim shyǵaryldy.
Oǵan qosa 21 tamyz kúngi otyrysqa erkindikte júrgen aiyptalýshynyń ózi kelmegen. Sondyqtan onyń sottan boi tasalaýy jáne kýágerlerge qysym jasaýy múmkin ekendigin eskere otyryp, aiyptalýshyny qamaýǵa alý týraly qaýly qabyldandy.
