Batys Qazaqstan oblysynda oqýshydan koronavirýs anyqtalyp, mektep karantinge jabyldy, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, oqiǵa Jánibek aýdany Kúigenkól aýylynda boldy.
Osyndaǵy mekteptiń 11-synyp oqýshysynyń covid-19 juqtyrǵany belgili boldy. Odan indetpen aýyrǵan ákesimen qarym-qatynasta bolǵan adam retinde synama alynǵan.
Oqýshymen bailanysta bolǵan úi oshaǵyndaǵy eki adamnan alynǵan synama olarda koronavirýs joqtyǵyn kórsetti. Mekteptegi 13 adamnan synama alynyp, tekserilý ústinde.
Qorytyndy dezinfektsiia jasalǵan mektep karantinge jabyldy.
Jánibek aýdandyq aýrýhanasynyń bas dárigeri Sáýle Ismaǵulovanyń aitýynsha, aýrý belgileri joq bolǵandyqtan, oqýshy ambýlatorlyq em alýda.
Qazirgi tańda aýrýhanada 25 tósektik juqpaly aýrýlar bólimshesi bolsa, onda 5 adam emdelýde. Sonyń bireýi – atalǵan balanyń anasy. Kórshiles Qaztalov aýdanynan ondaǵy aýrýhana kúrdeli jóndelip jatqandyqtan, bir adam osynda emdelip jatyr.
Jánibek aýdanynda indet bastalǵannan beri koronavirýs juqtyrǵandar sany 198-ge jetti.
