Batys Qazaqstan oblysy Terekti aýdany Podstepnoe aýylynyń mańynda urlyqpen ainalysqan tórt er adam ustaldy, - dep habarlaidy Massaget.kz portaly "Moi GOROD" basylymyna silteme jasap.
"1980, 1985, 1985 jáne 1988 jylǵy kúdiktiler biylǵy shildeden bastap birqatar aýyr qylmys jasaǵany úshin kriminaldyq politsiia basqarmasynyń nysanasyna ilikken edi. Sol kúni olar Terekti aýdany Bekei aýyly tusynda erkin jaiylymnan bir jylqyny urlap áketken. Jaýap alý barysynda qolǵa túskenderdiń biri 2021-2022 jyldary Aqjaiyq, Kaztalov jáne Terekti aýdandary aýmaǵynda mal urlyǵynyń 10 epizodyna, sondai-aq 2021 jyldyń 18 naýryzynda kompaniia keńsesine jasalǵan qaraqshylyq shabýylǵa qatysqanyn moiyndady", - dedi BQO politsiia departamentiniń resmi ókili, politsiia polkovnigi Bolatbek Nurǵojin.
Kúdiktiler Qylmystyq is júrgizý kodekstiń 128-baby tártibimen Terekti aýdany ýaqytsha ustaý izoliatoryna qamaldy.
Qylmystyq kodekstiń 188-1-babyna sáikes dáleldemelik bazany jinaý, olarmen qylmystyq bailanysy bar adamdar tobyn anyqtaý, sondai-aq kúdiktilerdiń BQO aýmaǵynda jasalǵan mal urlyǵynyń ashylmaǵan derekterine qatysy boiynsha tergeý amaldary júrgizilip jatyr.
