Batys Qazaqstan oblysy aýmaǵynda mal urlaýmen ainalysqan aǵaiyndy barymtashylar ustaldy, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, departamenttiń kriminaldyq politsiia jáne Aqjaiyq aýdany politsiia bólimi qyzmetkerleri júrgizgen jedel izdestirý sharalary barysynda 1978, 1982 jáne 1987 jylǵy aǵaiyndylardyń uiymdasqan qylmystyq toby áshkerelendi.
Olarǵa qatysty QR QK 188-baby 4-bóligine sáikes úsh epizod boiynsha qylmystyq is qozǵalyp, tergeý amaldary júrgizilýde.
Kúdiktilerdiń mekenjaiynan sondai-aq ańshy jáne atys qarýy, oq-dáriler men pyshaqtar tabyldy. Bul derek boiynsha QR QK 287-baby 3-bóligine (qarýdy, oq-dárilerdi, jarylǵysh zattardy jáne jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý) sáikes tergeý júrgizilýde.
Qazirgi tańda aq-adal maly qoldy bolǵan barlyq jábirlenýshiler anyqtalýda. Joǵalǵan jylqylar osy úiir ishinen tabylǵan jaǵdaida ielerine qaitarylady.
«Áleýmettik jelilerde atalǵan is boiynsha shyndyqqa janaspaityn málimet taraýda. Osyǵan bailanysty kórineý jalǵan aqparat taratqandar QR QK 274-babyna sáikes qylmystyq jaýapkershilikke tartylatynyn eskertkim keledi. Karantin kezinde jábirlenýshilerdiń politsiia bólimine baryp júrýiniń qajeti joq. Politsiia qyzmetkerleri ózderi baryp, tergeý amaldaryn júrgizetin bolady. Kúni búgin tabylǵan maldardyń bárin Aqjaiyq aýdany politsiia bólimi jergilikti ákimdikpen birlesip baǵý jáne saqtaý jumystaryn qolǵa aldy», dedi QazAqparat tilshisine B.Belgibekov.
