Batys Qazaqstanda «Lider» qarjy piramidasynan zardap shekkender izdestirilýde, dep habarlaidy "Ult aqparat".
BQO boiynsha ekonomikalyq tergeý departamenti málim etkenindei, qazirgi kezde qarjylyq (investitsiialyq) piramida qurý deregine qatysty QR QK 217-babyna sáikes qylmystyq is tergelýde.
Atalmysh departamentke aldanyp qalǵan azamattan aryz túsken. Ol «Lider» jobasy boiynsha investitsiialanǵan qarajattyń 10 kún ishinde 100 paiyz syiaqymen qaitarylatyny jóninde WhatsApp messendjeri arqyly taralǵan habarlamaǵa senip qalyp, 55 myń teńgesin aýdaryp jibergen. Alaida shart oryndalmai, aqshasynan aiyrylǵan.
«Biz basqa da aldanyp qalǵan turǵyndardy izdestirýdemiz. «Lider» piramidasynan zardap shekkender 8-711-2-53-84-27 telefonyna habarlasa alady», dep habarlady BQO boiynsha ekonomikalyq tergeý departamenti.
