Batys Qazaqstan oblysynda koronavirýsqa qarsy 180 myńnan astam adamdy egý josparlanýda, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń aitýynsha, óńirde josparǵa sáikes daiyndyq júrgizilip jatyr.
Koronavirýsqa qarsy birinshi kezekte juqpaly aýrýlar statsionary, jedel járdem, sanitarlyq-epidemiologiialyq qyzmet mamandary, politsiia, bilim berý jáne meditsina salasynyń qyzmetkerleri egiledi.
Nurlybek Ermekulynyń sózine qaraǵanda, aqpan aiynda Resei Federatsiiasynda jasalǵan «Spýtnik V» vaktsinasyn egý bastalady. Ekpe eki ret jasalady. Iaǵni alǵashqy ret egilgen kezde adamnyń koronavirýsqa qarsy immýniteti jartylai, 21-inshi kúni ekinshi ret salynǵanda tolyq qalyptasady.
Sonymen qatar Qazaqstanda «Kazcovid-in» vaktsinasy birinshi jáne ekinshi kezeńde synaqtan ótti. Úshinshi kezeńnen sátti ótse, ony da egý kózdelip otyr.
«Ekpe erikti túrde jasalady. Eshkimdi májbúrlemeidi. Adam egiler aldynda meditsina qyzmetkerinen qandai vaktsina ekenin, onyń qalai áser etetinin surap, tolyq bilip alýǵa, sondai-aq jasatýdan bas tartýǵa quqyly», dedi N.Mustaev.
Eske sala keteiik, budan buryn BQO-da jyl basynan beri myńǵa jýyq adamnan koronavirýs tabylǵanyn jazǵan bolatynbyz.
