Batys Qazaqstan oblysynda sońǵy aptada (20-26 qyrkúiek) 462 adamnan koronavirýs anyqtaldy, dep habarlaidy QazAqparat.
BQO sanitarlyq-epidemiologiialyq baqylaý departamentiniń baspasóz qyzmetinen túsken málimetke qaraǵanda, bul - aldyńǵy aptadaǵydan (13-19 qyrkúiek - 593) 22,09 paiyzǵa kem.
Oblys boiynsha 1 qyrkúiekten beri 2252 adamnyń indet juqtyrǵany belgili boldy.
Sonyń 1225-i nemese 54 paiyzy JRVI belgileri boiynsha, 555-i (25 paiyz) profilaktikalyq maqsatta tekserilgen. 456-sy (20 paiyz) buryn aýyrǵandarmen bailanysta bolsa, 16-synan (1 paiyz) statsionarǵa jatqyzar aldynda synama alynǵan.
Departament málimeti boiynsha sońǵy tórt kúnde 269 adamnan koronavirýs tabyldy. Munyń 124-i Oral qalasy, 62-si Báiterek, 29-y Bórli aýdanynyń úlesine tiedi.
Pandemiia bastalǵannan beri óńirde barlyǵy 37 255 naýqas tirkelip, sonyń 29 528-i jazylyp shyqty. 756-sy kóz jumdy.
