Foto: ashyq derekkóz
QMA Batys Qazaqstan oblysy boiynsha departamenti bilim berý salasyndaǵy iri kólemdegi qarjy jymqyrý deregin anyqtady, dep habarlaidy Ult.kz.
Vedomstvonyń málimetinshe, «Batys Qazaqstan indýstrialdyq kolledji» memlekettik kommýnaldyq qazynashylyq kásipornynyń direktory 54 adamnyń atyn «jalǵan stýdent» retinde rásimdep, olardy oqý protsesine qatysqandai kórsetken.
Tekserý barysynda bul tulǵalarǵa sabaqqa qatysý tabelderi, úlgerim qujattary toltyrylǵany, baǵalar qoiylǵany jáne stipendiia taǵaiyndalǵany belgili boldy. Kei jaǵdailarda stipendiia kólemi negizsiz kóterilgen.
Jalǵan stýdentterdiń atyna banktik shottar ashylyp, memlekettik tólemder sol shottarǵa aýdarylǵan. Al bank kartalary direktorǵa nemese onyń nusqaýymen basqa adamdarǵa berilip, qarajat qolma-qol sheshilip otyrǵan.
Tergeý málimeti boiynsha, kolledj direktory jalpy 49 million teńgeden astam biýdjet qarajatyn iemdengen.
Kúdiktige qatysty úiqamaqqa alý bultartpaý sharasy qoldanyldy. Sonymen qatar sot sanktsiiasymen onyń páterine tyiym salyndy.
