videodan alynǵan kadr
Oral-Atyraý tas jolynda kólik apaty bolyp, eki adam kóz jumyp, taǵy ekeýi jaraqat aldy, dep habarlaidy Batys Qazaqstan politsiia departamentiniń baspasóz qyzmeti.
24 qazanda kúni saǵat 20:00 shamasynda Oral-Atyraý avtojolynyń 209-shy shaqyrymynda, Aqjaiyq aýdanynyń Aqsýat kentinen 10 shaqyrym jerde Lada Vesta jáne Lada Priora avtokólikteri soqtyǵysty.
Soqtyǵysqannan keiin eki avtokólik órtengen.
"Jol-kólik oqiǵasy saldarynan Lada Vesta kóliginiń eki jolaýshysy Aqjaiyq aýdanynyń aýrýhanasyna túrli jaraqattarmen jetkizildi. Oqiǵa ornynda politsiia jáne tótenshe jaǵdailar qyzmetkerleri jumys istep, Lada-Priora avtokóligin sóndirgennen keiin salonnan qaza tapqan eki jolaýshynyń denesin alyp shyqty", - delingen habarlamada.
"Qaza bolǵandardyń deneleri sot-meditsinalyq saraptamaǵa jiberildi. Atalǵan derek boiynsha QR QK 345-babynyń 4-bóligi "kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy" boiynsha sotqa deiingi tergeý bastaldy. Birqatar saraptama taǵaiyndaldy", - dedi BQO politsiia departamentiniń baspasóz qyzmeti.
