ۆيدەودان الىنعان كادر
ورال-اتىراۋ تاس جولىندا كٶلٸك اپاتى بولىپ, ەكٸ ادام كٶز جۇمىپ, تاعى ەكەۋٸ جاراقات الدى, دەپ حابارلايدى باتىس قازاقستان پوليتسييا دەپارتامەنتٸنٸڭ باسپاسٶز قىزمەتٸ.
24 قازاندا كٷنٸ ساعات 20:00 شاماسىندا ورال-اتىراۋ اۆتوجولىنىڭ 209-شى شاقىرىمىندا, اقجايىق اۋدانىنىڭ اقسۋات كەنتٸنەن 10 شاقىرىم جەردە لادا Vesta جەنە لادا Priora اۆتوكٶلٸكتەرٸ سوقتىعىستى.
سوقتىعىسقاننان كەيٸن ەكٸ اۆتوكٶلٸك ٶرتەنگەن.
"جول-كٶلٸك وقيعاسى سالدارىنان لادا ۆەستا كٶلٸگٸنٸڭ ەكٸ جولاۋشىسى اقجايىق اۋدانىنىڭ اۋرۋحاناسىنا تٷرلٸ جاراقاتتارمەن جەتكٸزٸلدٸ. وقيعا ورنىندا پوليتسييا جەنە تٶتەنشە جاعدايلار قىزمەتكەرلەرٸ جۇمىس ٸستەپ, لادا-پريورا اۆتوكٶلٸگٸن سٶندٸرگەننەن كەيٸن سالوننان قازا تاپقان ەكٸ جولاۋشىنىڭ دەنەسٸن الىپ شىقتى", - دەلٸنگەن حابارلامادا.
"قازا بولعانداردىڭ دەنەلەرٸ سوت-مەديتسينالىق ساراپتاماعا جٸبەرٸلدٸ. اتالعان دەرەك بويىنشا قر قك 345-بابىنىڭ 4-بٶلٸگٸ "كٶلٸك قۇرالدارىن باسقاراتىن ادامداردىڭ جول جٷرٸسٸ نەمەسە كٶلٸك قۇرالدارىن پايدالانۋ قاعيدالارىن بۇزۋى" بويىنشا سوتقا دەيٸنگٸ تەرگەۋ باستالدى. بٸرقاتار ساراپتاما تاعايىندالدى", - دەدٸ بقو پوليتسييا دەپارتامەنتٸنٸڭ باسپاسٶز قىزمەتٸ.
