Batys Qazaqstan oblysynda qaza tapqan eks-politsei Meiirhan Hamzindi jerleý rásimi ótti. Ony aqtyq saparǵa shyǵaryp salý úshin júzdegen adam kelgen, - dep habarlaidy Massaget.kz portaly "Moi GOROD" basylymyna silteme jasap.
Meiirhan Hamzin buǵan deiin ishki ister organdarynda, iaǵni Aqjaiyq aýdandyq politsiia bóliminiń anyqtaýshysy bolyp jumys istegen. Qaiǵyly oqiǵa 26 qazanda túnde Aqjaiyq aýdany Chapaev aýylynda bolǵan.
Politsiia departamenti málimetinshe, 51 jastaǵy kúdikti janjal kezinde politseidiń júregine pyshaq suqqan. Ol jedel járdemdi kútpesten, meditsinalyq mekemege jetkizilgen. 26 jastaǵy er adam Aqjaiyq aýdanynyń ortalyq aýrýhanasyna jetpei qaza bolǵan.
Jerleý rásiminde eks-politseidiń ápkesi Gúlfairýz Hamzina qaiǵyly oqiǵa qalai bolǵanyn aitqan.
"Sol kúni keshke inim dosyna monshaǵa bardy. Ol sonda shomylyp shyqqan. Keiin dosynyń aýlasynda taksi kútip turǵanda, oǵan beitanys mas adam kelgen. Ol odan terezesin qaǵyp-qaqpaǵanyn surai bastaǵan. Meiirhan eshteńe istemegenin aitqan, biraq er adam janjaldy jalǵastyrǵan. Sodan keiin ol ketip qalyp, pyshaqpen kelgen. Inimmen birge onyń dosy jáne dosynyń kúieý balasy turǵan, olar mas adamdy tynyshtandyrýǵa tyrysqan. Biraq er adam olarǵa shabýyl jasai bastaǵan. Inim odan pyshaqty alǵysy kelgen. Ol qulap, qaita ornynan turyp, inimniń júregine jaraqat salǵan. Áleýmettik jelilerdegi pikirlerdi oqyp jatyrmyz. Bári ne bolǵanyn suraidy. Bári shyndyqty bilsin. Qazir tergeý amaldary júrip jatyr, kúdiktiniń advokaty isti kisi óltirýden ózin-ózi qorǵaýǵa aýystyrý úshin qaita daiarlaýǵa tyrysyp jatyr", - deidi marqumnyń ápkesi.
Meiirhannyń artynda ápkeleri, anasy men ákesi, jubaiy jáne eki balasy qalǵan.
