Bókei ordasy aýdany Saiqyn aýylynda turatyn kásipker Ázbek Muhitov ramazan aiynda aýyldastarynyń qaryzyn keshirdi, dep habarlaidy QazAqparat.
Óziniń aitýynsha, aýyl turǵyny sheshenstandyq kásipkerlerdiń áleýmettik jelidegi chellendjin kórgennen keiin osyndai saýapty qadamǵa barǵan eken.
Kásipkerdiń chellendjdi jalǵastyryp, aýyldastarynyń bereshegin keshirgeni áleýmettik jelide keńinen taralyp ketti.
«Barys» dep atalatyn azyq-túlik dúkenin 2011 jyly ashyp edim. Aýyl turǵyndarynyń taýardy jazdyryp alatyny bar. Olardyń úsh jyldan bergi qaryzy 63 685 teńgege jetipti. Ishinde joq-jitik jandar da, bereshegin qaitaramyn dep júrgender de bar. Tizimge qaraǵan joqpyn, dápterdiń sol betterin jyrtyp tastap, bárin keshirýdi jón kórdim. Eń bastysy, bir-birimizge degen meiirimdilikten ainymaiyq, keshirimshil bolaiyq. Orazamyz qabyl bolsyn», dedi Ázbek Muhitov.
