بٶكەي ورداسى اۋدانى سايقىن اۋىلىندا تۇراتىن كەسٸپكەر ەزبەك مۇحيتوۆ رامازان ايىندا اۋىلداستارىنىڭ قارىزىن كەشٸردٸ, دەپ حابارلايدى قازاقپارات.
ٶزٸنٸڭ ايتۋىنشا, اۋىل تۇرعىنى شەشەنستاندىق كەسٸپكەرلەردٸڭ ەلەۋمەتتٸك جەلٸدەگٸ چەللەندجٸن كٶرگەننەن كەيٸن وسىنداي ساۋاپتى قادامعا بارعان ەكەن.
كەسٸپكەردٸڭ چەللەندجدٸ جالعاستىرىپ, اۋىلداستارىنىڭ بەرەشەگٸن كەشٸرگەنٸ ەلەۋمەتتٸك جەلٸدە كەڭٸنەن تارالىپ كەتتٸ.
«بارىس» دەپ اتالاتىن ازىق-تٷلٸك دٷكەنٸن 2011 جىلى اشىپ ەدٸم. اۋىل تۇرعىندارىنىڭ تاۋاردى جازدىرىپ الاتىنى بار. ولاردىڭ ٷش جىلدان بەرگٸ قارىزى 63 685 تەڭگەگە جەتٸپتٸ. ٸشٸندە جوق-جٸتٸك جاندار دا, بەرەشەگٸن قايتارامىن دەپ جٷرگەندەر دە بار. تٸزٸمگە قاراعان جوقپىن, دەپتەردٸڭ سول بەتتەرٸن جىرتىپ تاستاپ, بەرٸن كەشٸرۋدٸ جٶن كٶردٸم. ەڭ باستىسى, بٸر-بٸرٸمٸزگە دەگەن مەيٸرٸمدٸلٸكتەن اينىمايىق, كەشٸرٸمشٸل بولايىق. ورازامىز قابىل بولسىن», دەدٸ ەزبەك مۇحيتوۆ.
