Foto: ashyq derekkóz
QMA Batys Qazaqstan oblysy boiynsha departamenti nesielik seriktestik basshysyna qatysty 150,7 mln teńge kólemindegi sýbsidiiany jymqyrý faktisi boiynsha tergeýdi aiaqtady, dep habarlaidy Ult.kz.
Kúdikti "Agrobiznes" baǵdarlamasy arqyly óz baqylaýyndaǵy sharýa qojalyǵynyń atyna 126,7 mln teńge jeńildetilgen nesie rásimdegen. Alaida qarajat iri qara mal satyp alýǵa jumsalmai, qolma-qol aqshaǵa ainaldyrylǵan. Sonymen qatar, 2017–2021 jyldarǵa arnalǵan agroónerkásiptik keshendi damytý jobasy aiasynda 24 mln teńge sýbsidiiany jalǵan qujattar arqyly ielengen.
Sýbsidiiany zańdy túrde alyndy dep kórsetý maqsatynda ol basqa sharýa qojalyqtarynan asyl tuqymdy siyr satyp aldy degen jalǵan qujattardy tapsyrǵan.
Qylmystyq jolmen alynǵan tabysqa kúdikti jer telimderin satyp alyp, olardyń birinde saýna men saýda úiin salǵan. Atalǵan múlikti jasyrý maqsatynda ony týysynyń atyna rásimdegen.
Sot sanktsiiasymen jalpy quny 198 mln teńge bolatyn múlikke — 2 jer telimine, saýda úiine, saýnaǵa jáne «Exeed LX» markaly avtokólikke — tyiym salyndy.
Kúdiktige qatysty bultartpaý sharasy retinde qamaýǵa alý qoldanyldy.
