فوتو: اشىق دەرەككٶز
قما باتىس قازاقستان وبلىسى بويىنشا دەپارتامەنتٸ نەسيەلٸك سەرٸكتەستٸك باسشىسىنا قاتىستى 150,7 ملن تەڭگە كٶلەمٸندەگٸ سۋبسيدييانى جىمقىرۋ فاكتٸسٸ بويىنشا تەرگەۋدٸ اياقتادى, دەپ حابارلايدى Ult.kz.
كٷدٸكتٸ "اگروبيزنەس" باعدارلاماسى ارقىلى ٶز باقىلاۋىنداعى شارۋا قوجالىعىنىڭ اتىنا 126,7 ملن تەڭگە جەڭٸلدەتٸلگەن نەسيە رەسٸمدەگەن. الايدا قاراجات ٸرٸ قارا مال ساتىپ الۋعا جۇمسالماي, قولما-قول اقشاعا اينالدىرىلعان. سونىمەن قاتار, 2017–2021 جىلدارعا ارنالعان اگروٶنەركەسٸپتٸك كەشەندٸ دامىتۋ جوباسى اياسىندا 24 ملن تەڭگە سۋبسيدييانى جالعان قۇجاتتار ارقىلى يەلەنگەن.
سۋبسيدييانى زاڭدى تٷردە الىندى دەپ كٶرسەتۋ ماقساتىندا ول باسقا شارۋا قوجالىقتارىنان اسىل تۇقىمدى سيىر ساتىپ الدى دەگەن جالعان قۇجاتتاردى تاپسىرعان.
قىلمىستىق جولمەن الىنعان تابىسقا كٷدٸكتٸ جەر تەلٸمدەرٸن ساتىپ الىپ, ولاردىڭ بٸرٸندە ساۋنا مەن ساۋدا ٷيٸن سالعان. اتالعان مٷلٸكتٸ جاسىرۋ ماقساتىندا ونى تۋىسىنىڭ اتىنا رەسٸمدەگەن.
سوت سانكتسيياسىمەن جالپى قۇنى 198 ملن تەڭگە بولاتىن مٷلٸككە — 2 جەر تەلٸمٸنە, ساۋدا ٷيٸنە, ساۋناعا جەنە «Exeed LX» ماركالى اۆتوكٶلٸككە — تىيىم سالىندى.
كٷدٸكتٸگە قاتىستى بۇلتارتپاۋ شاراسى رەتٸندە قاماۋعا الۋ قولدانىلدى.
