videodan alynǵan kadr
QMA aýmaqtyq departamenti Batys Qazaqstan oblysynda jeke tulǵalardan 24 paiyzdan 54 paiyzǵa deiingi mólsherde tólemder berý ýádesimen qarajat tartý maqsatynda «Life is good» jáne «Hermes» jobalary boiynsha qarjylyq (investitsiialyq) piramidalaryn uiymdastyrýǵa kúdikti tulǵalarǵa qatysty qylmystyq isti tergep jatyr, - dep habarlaidy "Ult aqparat" Qarjylyq monitoring agenttigine silteme jasap.
QMA málimetinshe, tartylǵan qarajat kólemi 120 million teńge bolǵan.
"Qazirgi ýaqytta qarjylyq piramidany uiymdastyrdy degen kúdikke ilingen azamatsha ustalyp, sottyń sanktsiiasymen eki ai merzimge qamaýǵa alyndy. Sotaldy tergep-tekserý jalǵasyp jatyr", - delingen habarlamada.
Eske salaiyq, buǵan deiin Qarjylyq monitoringi agenttigi qarjy piramidasy retinde áreket etedi degen kúdikke ilingen, sondai-aq sot úkimi shyqqan uiymdardyń keńeitilgen tizimin jariialaǵan bolatyn.
Eger siz ne jaqyndaryńyz qarjy piramidasynyń áreketinen zardap shekseńiz, QMA sall-ortalyǵyna habarlasý usynylady. Azamattardy qyraǵy bolýǵa jáne jinaqtaryn kúmándi qarjy institýttaryna salmaýǵa shaqyramyz.
