Batys Qazaqstan oblysynda monitoring toptary qarasha aiynda 78 nysannyń sanitarlyq talapty buzǵanyn anyqtady, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaev óńirlik kommýnikatsiialar qyzmeti alańynda ótken brifingide málim etkendei, osy merzimde QR Ákimshilik quqyq buzý kodeksi 425-baby 1-bóligine sáikes 123 hattama toltyryldy.
Sonyń ishinde kóp adamnyń qatysýymen ótken 49 is-shara tirkeldi. Sondai-aq betperdelik rejimdi saqtamaýdyń 37, túngi saǵat 23.00-den keiin jeke kólikpen júrýdiń 25, jumys rejimin buzýdyń 11 jáne qyzmetkerlerge termometriia júrgizbeýdiń 1 deregi belgili boldy. Osy ákimshilik quqyqbuzýshylyqtar úshin 7 mln astam teńge aiyppul salyndy.
Bul baǵyttaǵy jumystar jalǵasýda.
Nurlybek Ermekulynyń sózine qaraǵanda, 1-19 qarasha aralyǵynda oblysta 619 adamnyń koronavirýs juqtyrǵany tirkeldi. Osynyń 430-y nemese 69,4 paiyzy Oral qalasynda anyqtaldy. Sondai-aq Báiterek (85 adam), Bórli (36), Terekti (18), Shyńǵyrlaý (15) aýdandarynda indet kóbeiip ketip otyr.
Qarashada memlekettik shekaradan 15463 adam ótse, sonyń 2790-y – jolaýshylar. Anyqtamasyz ótken 283 jolaýshynyń jeteýinen indet tabyldy. Sol sekildi júk tasymaldaityn 5402 júrgizýshiniń 2176-synda anyqtama bolmaǵan. Sonyń 20-sy koronavirýs juqtyrǵan.
