Batys Qazaqstan oblysynda qarasha aiynda monitoring toptary 101 nysanda sanitaiia talabynyń buzylǵanyn anyqtady, dep habarlaidy "Ult aqparat".
BQO sanitarlyq-epidemiologiialyq baqylaý departamenti basshysynyń orynbasary Nurlybek Mustaevtyń óńirlik kommýnikatsiialar qyzmeti alańynda ótken brifingide málim etkenindei, osy aida QR Ákimshilik quqyqbuzýshylyq kodeksi 425-baby 1-bóligine sáikes 204 hattama toltyryldy.
Sonyń ishinde kóp adamnyń qatysýymen 74 sharanyń ótkendigi toi-tomalaqtyń tyiylmai otyrǵanyn kórsetedi. Sondai-aq betperde kimeýdiń 59, saǵat 23.00-den keiin jeke kólikpen júrýdiń 57, jumys rejimin buzýdyń 13, qyzmetkerlerge termometriia júrgizbeýdiń 1 deregi belgili boldy.
Karantin tártibin buzǵandarǵa 10 mln astam teńge aiyppul salyndy.
1-26 qarasha aralyǵynda 888 adam koronavirýs juqtyrsa, sonyń 567-si nemese 63,8 paiyzy Oral qalasynda anyqtalǵan. Sondai-aq indet Báiterek aýdanynda (130), Bórlide (63), Shyńǵyrlaýda (31), Terektide (30) kóbeiip tur.
Osy kezeńde óńirde memlekettik shekaradan 21 468 adam ótse, anyqtamasy bolmaǵan 423 jolaýshynyń jeteýinen indet tabyldy. Sol sekildi halyqaralyq júk tasymalymen ainalysatyn 7641 júrgizýshiniń ishinde 2 800-inde anyqtama bolmai shyqqan. Bulardan alynǵan test 23 adamnyń koronavirýs juqtyrǵanyn kórsetti.
Qarasha aiynda barlyǵy 38 969 adam zerthanalyq tekserýden ótti.
