Batys Qazaqstan oblysynda er adamdy júk kóligimen qaǵyp, qashyp ketken sheteldik júrgizýshi ustaldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, oqiǵa 9 aqpan kúni shamamen saǵat 20.45-te Samara-Shymkent kúre joly boiynda Báiterek aýdany Michýrin aýyly tusynda boldy.
Qyrǵyzstandyq D. degen azamat DAF júk kóligimen belgilenbegen jerden joldan ótip bara jatqan 33 jasar er adamdy qaǵyp ketip, oqiǵa ornynan boi tasalaǵan.
Alǵan jaraqattary saldarynan jaiaý júrginshi oqiǵa ornynda qaza tapty. Múrdesi sot-meditsinalyq saraptamaǵa jiberildi.
Oqiǵany kórgen áiel adam dereý politsiiaǵa habarlaǵan. Sonyń jáne politsiia qyzmetkerleriniń jedel is-áreketi nátijesinde júrgizýshi qylmystyń izi sýymai ustaldy.
Qazirgi kezde QR QK 345-baby 3-bóligine (abaisyzda adam ólimine ákep soqqan jol júrý erejesin buzý) jáne 347-babyna (jol-kólik oqiǵasy bolǵan jerden ketip qalý) sáikes qylmystyq is qozǵalyp, sotqa deiingi tergeý amaldary júrgizilýde.
Sol kúni taǵy bir oqiǵa Oral qalasynda oryn aldy. Kólik quralyn júrgizýge quqyǵy bolmasa da, rýlge otyrǵan 28 jastaǵy júrgizýshi shamamen saǵat 18.50-de T.Masin men S.Daýmov kósheleriniń qiylysynda rettelmeitin jaiaý júrginshi ótkelinen ótip bara jatqan 30 jastaǵy áieldi qaǵyp ketti.
Túrli jaraqat alǵan áiel aýrýhanaǵa jatqyzyldy.
Bul derek boiynsha QR QK 345-baby 2-bóligine sáikes (abaisyzda adamnyń densaýlyǵyna aýyr ziian keltirýge ákep soqqan jol júrý erejesin buzý) tergeý amaldary júrgizilýde.
