Batys Qazaqstan oblysynda er adamdy óltirgen kúdikti izdestirilip jatyr, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, 3 aqpan kúni shamamen saǵat 16.30-da Aqsai qalasyndaǵy jaldamaly páterlerdiń birinen 46 jastaǵy A. degen er adamnyń máiiti tabyldy.
Tekserý kezinde onyń denesinde zorlyqpen óltirilgen belgiler bar ekendigi anyqtaldy. Marqum buryn birneshe ret qylmystyq jaýapqa tartylǵan.
Osy asa aýyr qylmysty jasady degen kúdikpen Oral qalasynyń turǵyny, 1981 jylǵy Anton Girchýk izdestirilýde.
«Onyń júrgen jeri nemese kúdikti týraly aqparat biletinder bolsa, 102, 8-711-2-98-45-30, 8-711-2-33-10-44 jáne 8-777-061-03-66 nómirine habarlasýǵa bolady», dedi politsiia departamentiniń baspasóz qyzmeti.
