Batys Qazaqstan oblysynda er adam on eki kúnnen beri tabylmai jatyr, - dep habarlaidy Massaget.kz portaly BQO Politsiia departamentiniń baspasóz qyzmetine silteme jasap.
PD málimetinshe, Nurhat Ermekqali 18 naýryzda saǵat 18:00 shamasynda Derkól aýylyndaǵy Severnaia, 14 mekenjaiyndaǵy úiinen shyǵyp ketip, qaita oralmaǵan.
"Ol 1992 jyly dúniege kelgen. Boiy 170-175, orta boily, shashy qysqa, qara tústi. Ústinde qoiý kók tústi kúrteshe, kók tústi djins shalbar, sur tústi kofta, qońyrqai tústegi aiaqkiim bar. Buryn úiinen ketip júrgen, qolynda Samsung markaly telefony boldy. Eger sizde qandai da bir aqparat bilseńiz, 102, 98-45-30 nómirine qońyraý shalýyńyzdy suraimyz!" - delingen politsiia habarlamasynda.
"Moi GOROD" basylymy málimetinshe, týystary er adam joǵalǵan ekinshi kúni onyń telefony óshirilgenin aitqan.
"Sol kúni oǵan týystarym qońyraý shaldy, biraq ol telefondy kótermedi, habarlamalarǵa jaýap bermedi. Kelesi kúni telefon óshirildi. Úsh kúnnen keiin politsiiaǵa aryz jazdyq. Barlyq týysy, dosy men tanysy qońyraý shaldy, biraq ony eshkim kórmegen. Izdeý áli nátijesiz", - dedi Nurhattyń aǵasy Maqsat.
Týystarynyń sózinshe, er adamnyń deni saý, este saqtaý qabileti jaqsy, ishimdik ishpeidi. Úide ony jubaiy men eki jasar uly kútip otyr.
