باتىس قازاقستان وبلىسىندا ەر ادام ون ەكٸ كٷننەن بەرٸ تابىلماي جاتىر, - دەپ حابارلايدى Massaget.kz پورتالى بقو پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
پد مەلٸمەتٸنشە, نۇرحات ەرمەكقالي 18 ناۋرىزدا ساعات 18:00 شاماسىندا دەركٶل اۋىلىنداعى سەۆەرنايا, 14 مەكەنجايىنداعى ٷيٸنەن شىعىپ كەتٸپ, قايتا ورالماعان.
"ول 1992 جىلى دٷنيەگە كەلگەن. بويى 170-175, ورتا بويلى, شاشى قىسقا, قارا تٷستٸ. ٷستٸندە قويۋ كٶك تٷستٸ كٷرتەشە, كٶك تٷستٸ دجينس شالبار, سۇر تٷستٸ كوفتا, قوڭىرقاي تٷستەگٸ اياقكيٸم بار. بۇرىن ٷيٸنەن كەتٸپ جٷرگەن, قولىندا Samsung ماركالى تەلەفونى بولدى. ەگەر سٸزدە قانداي دا بٸر اقپارات بٸلسەڭٸز, 102, 98-45-30 نٶمٸرٸنە قوڭىراۋ شالۋىڭىزدى سۇرايمىز!" - دەلٸنگەن پوليتسييا حابارلاماسىندا.
"موي گورود" باسىلىمى مەلٸمەتٸنشە, تۋىستارى ەر ادام جوعالعان ەكٸنشٸ كٷنٸ ونىڭ تەلەفونى ٶشٸرٸلگەنٸن ايتقان.
"سول كٷنٸ وعان تۋىستارىم قوڭىراۋ شالدى, بٸراق ول تەلەفوندى كٶتەرمەدٸ, حابارلامالارعا جاۋاپ بەرمەدٸ. كەلەسٸ كٷنٸ تەلەفون ٶشٸرٸلدٸ. ٷش كٷننەن كەيٸن پوليتسيياعا ارىز جازدىق. بارلىق تۋىسى, دوسى مەن تانىسى قوڭىراۋ شالدى, بٸراق ونى ەشكٸم كٶرمەگەن. ٸزدەۋ ەلٸ نەتيجەسٸز", - دەدٸ نۇرحاتتىڭ اعاسى ماقسات.
تۋىستارىنىڭ سٶزٸنشە, ەر ادامنىڭ دەنٸ ساۋ, ەستە ساقتاۋ قابٸلەتٸ جاقسى, ٸشٸمدٸك ٸشپەيدٸ. ٷيدە ونى جۇبايى مەن ەكٸ جاسار ۇلى كٷتٸپ وتىر.
