Batys Qazaqstan oblysynyń politseileri Ulttyq qaýipsizdik organdarymen birlesip «tehnikanyń sońǵy úlgisi» boiynsha jabdyqtalǵan esirtki zerthanasyn joidy, dep habarlaidy Polisia.kz.
Esirtki óndirýshiler Terekti aýdanynda garaj jáne aýladaǵy úidi satyp alyp, ony jasyryn esirtki zerthanasy etip jabdyqtaǵan. Zerthananyń ereksheligi – onyń jabdyqtalýy men tazalyǵy, ol ónerkásiptik aýqymda sintetikalyq esirtki shyǵarýǵa eseptelgen.
Qaita jabdyqtalǵan jasyryn zerthanadan politsiia qyzmetkerleri shyny ydysy bar eki konstrýktsiiany, sondai-aq muzdatqysh kamerany anyqtady. «Zerthana» úi-jaiynda jasandy jeldetkish bolǵan. Aýlanyń artqy jaǵyna árqaisysy 1000 litrden úsh bak kómilgen. Úidi jáne zerthanany tintý barysynda untaq tárizdi zattar, qospalar, himiialyq zattardyń kontsentrattary, sondai-aq himiialyq reagentteri bar kanistrler, qorǵanysh kostiýmderi, respiratorlar men zerthanalyq jabdyqtar tabyldy.
Sonymen qatar, oqiǵa ornynda 11,4 kg mefedron sintetikalyq esirtkisi jáne 8,1 kg pirovaleron alyndy. Bul – Qazaqstanda tárkilengen eń iri sintetikalyq esirtki. Belgili bolǵandai, esirtkini óndirýmen bizdiń elimizge kóktemde kelgen Ýkraina azamattary ainalysqan, olar birneshe jergilikti turǵyndarmen tyǵyz bailanys ornatyp, olardy sintetikalyq esirtki óndirý boiynsha qylmystyq is-áreketke qatystyrǵan.
Úi satyp alý, olardy jóndeý jáne basqa da jumystar tańqýrai butalaryn ósirýge jaǵdai jasaý úshin búrkemelengen. Ol úshin JShS tirkelgen, ustalǵandar oǵan kent úii men avtokólikti rásimdegen. Ustalǵandar birneshe ret synaýdan keiin 2020 jyldyń maýsym aiynyń sońynda sintetikalyq esirtki óndire bastaǵanyn moiyndady. Osyndai zerthanany politsiia qyzmetkerleri mamyr aiynyń sońynda Almaty oblysynyń Talǵar aýdanynda joiǵan bolatyn.
Onda zerthanalyq jabdyqtar men himikattardan bólek, satýǵa daiyn alty keliden astam mefedron tárkilendi. Júrgizilgen arnaiy operatsiia nátijesinde 413 mln teńgeden astam somaǵa daiyndalǵan sintetikalyq esirtkiniń 120 myń dozasy esirtki tutynýshylarǵa jetken joq.
Ustalǵandarǵa qatysty Qylmystyq kodekstiń 297-babynyń 3-bóligi «Esirtki zattardy ótkizý maqsatynda zańsyz daiyndaý, iemdenip alý, saqtaý, tasymaldaý nemese adamdar tobynyń aldyn ala sóz bailasýymen ótkizý» boiynsha sotqa deiingi is júrgizý bastaldy. Jaza múlki tárkilenip, on jyldan on bes jylǵa deiingi merzimge bas bostandyǵynan aiyrýdy kózdeidi. Tergeý jalǵasyp jatyr.
