Batys Qazaqstan oblysynda eki qojalyq basshysy jalǵan málimetpen memlekettik baǵdarlama boiynsha 3,1 million teńgeden astam qarjy alǵan, dep habarlaidy "Ult aqparat".
BQO politsiia departamentiniń baspasóz qyzmetinen málim etkenindei, Jánibek aýdany ákimdiginiń jumyspen qamtý ortalyǵynda júrgizilgen tekseris barysynda eki alaiaqtyq deregi anyqtaldy.
Atap aitqanda, 59 jastaǵy sharýa qojalyǵynyń basshysy 2017-2021 jyldarǵa arnalǵan Nátijeli jumyspen qamtý jáne jappai kásipkerlikti damytý memlekettik baǵdarlamasy aiasynda qyzmetkerler týraly jalǵan málimet berip, 1 mln 273,440 myń teńge alǵan.
Dál osyndai ádispen 45 jastaǵy «Zakariia» ShQ basshysy 1 mln 902,250 myń teńgege qol jetkizgen.
Qazirgi kezde QR QK 190-baby 1-bóligine (alaiaqtyq) sáikes sotqa deiingi tergeý amaldary júrgizilýde.
