Batys Qazaqstan oblysynda eki adamdy óltirgen turǵyndar eki aiǵa qamaýǵa alyndy, dep habarlaidy "Ult aqparat".
Báiterek aýdany tergeý sýdiasy 17 sáýir kúni tergeýshiniń 1977 jylǵy Ch. jáne 1993 jylǵy K-ǵa qatysty qamaýǵa alý túrindegi bultartpaý sharasyn qoldaný jónindegi ótinishin qanaǵattandyrdy.
BQO sotynyń baspasóz qyzmetinen túsken málimetke qaraǵanda, atalǵan ekeýge QR QK 99-baby 2-bóligi 1, 7 jáne 15-tarmaqtaryna (tótenshe jaǵdai kezinde aldyn ala sóz bailasyp, top bolyp, eki nemese odan kóp adamdy óltirý) sáikes aiyp taǵylyp otyr.
Ch. men H. 25 naýryz kúni shamamen saǵat 23.00-de jábirlenýshiler Ch. men H-ny óltirip, sodan keiin múrdelerin orman ishine aparyp, kómip tastaǵan.
Eske sala keteiik, budan buryn BQO-da eki adamdy óltirdi degen kúdikpen 2 turǵynnyń ustalǵanyn jazǵan bolatynbyz.
Marqumdar – azamattyq nekedegi erli-zaiyptylar.
