Batys Qazaqstan oblysy Syrym aýdandyq bilim bóliminiń býhgalteri 31 million teńge jymqyrdy dep aiyptalyp, 7 jylǵa sottaldy, - dep habarlaidy Tengrinews.kz saity "Habar 24" anasyna silteme jasap.
Telearna málimetinshe, sottalýshynyń kinási dáleldendi. Tergeý barysynda ol memleketke keltirilgen zalaldy tolyq ótep, sottan bas bostandyǵynan aiyrmaýdy surady. Al prokýror sottan áieldi 8 jylǵa bas bostandyǵynan aiyrýdy surady.
"Kúshaeva Aqkenje Qylmystyq kodekstiń 189-baby 4-bóliginiń 2-tarmaǵynda kózdelgen qylmysty jasaǵan. Oǵan múlkin tárkilemei, 7 jyl 6 ai merzimge bas bostandyǵynan aiyrý jazasy taǵaiyndaldy. Kámeletke tolmaǵan eki balasy bolýyna bailanysty jazany óteý merzimi 5 jylǵa shegerildi. Úkim zańdy kúshine engen joq", - dedi oblystyq sottyń baspasóz hatshysy Nurgúl Qanatbaeva.
Sondai-aq, ol memlekettik jáne kvazimemlekettik uiymdarda jumys isteý quqyǵynan aiyryldy.
