Batys Qazaqstan oblysynda sońǵy kúnderi birneshe iri tabiǵi órt tirkeldi, dep habarlaidy "Ult aqparat".
BQO TJ departamentiniń bastyǵy Jasulan Jumashevtiń aitýynsha, buǵan kúnniń 37-39, kei jerlerde 40-42 gradýs ysýy ári jeldiń jyldamdyǵy sekýndyna 15-20 metrge deiin jetýi áser etti.
Sonyń saldarynan 13-16 shilde aralyǵynda oblystyń alty aýdany men Oral qalasyn qamtyǵan iri tabiǵi órtter boldy.
Atap aitqanda, Aqjaiyq aýdanynda 9917 ga dalalyq jer men 138 ga orman otqa orandy.
Báiterek aýdanynda 10 ga egistik, 652 ga dalalyq jer, 18 ga orman jalynǵa sharpyldy.
Bórli aýdanynda 4680 ga, Qaratóbede 565 ga, Syrymda 1521 ga, Tasqalada 1940 ga dalalyq jer órtendi.
Oral qalasynda 5 ga orman jandy.
Qatty jeldiń saldarynan Aqjaiyq, Jańaqala, Jánibek aýdandarynda elektr baǵandary men uialy telefon stansalary qulady. Oralda №20 mekteptiń 50 sharshy metr shatyry sypyrylyp tústi.
«Qazirgi kezde negizgi kúsh (TJ departamentinen 54 adam, 9 tehnika, orman sharýashylyǵy mekemesinen 30 qyzmetker, 3 tehnika, erikti órt sóndirý qurylymdarynan 15 adam, 1 tehnika) Aqjaiyq aýdany Býdarin aýyldyq okrýgindegi órtti aýyzdyqtaýǵa jumyldyrylǵan. Qalǵany sóndirildi», dedi J.Jumashev.
