Batys Qazaqstan oblysynda keshe 391 adam tranzittik júk kólikterimen shekaradan ótken. Bul týraly brifingte BQO taýarlar men kórsetiletin qyzmetter sapasy men qaýipsizdigin baqylaý departamentiniń basshysy Muhamǵali Aryspaev málim etti, dep habarlaidy "Ult aqparat".
Budan buryn memlekettik komissiianyń shuǵyl shtaby BQO-da júk tasymalymen ainalysatyn 25 jáne 27 jastaǵy ózbekstandyq eki azamattan koronavirýs anyqtalǵanyn habarlaǵan bolatyn.
M.Aryspaevtyń aitýynsha, koronavirýs juqtyrǵan osy eki adammen birge Máskeýden Tashkentke bet alǵan sol kólikte taǵy bir ózbekstandyq júrgizýshi bolǵan. Odan koronavirýs juqpasyna alynǵan test teris nátije kórsetti. Biraq ol provizorlyq aýrýhanaǵa jatqyzyldy, dárigerlerdiń baqylaýynda.
Koronavirýs juqtyrǵan eki adammen bailanysta bolǵan úsh epidemiolog ta tekserýden ótip, synamasy teris nátije kórsetti.
«Kúni búgin oblysta 119 adam karantinde jatyr. Sonyń ishinde alty naýqas oblystyq juqpaly aýrýlar aýrýhanasynda em alyp jatsa, 59 adam karantindik statsionarda, 54-i provizorlyq gospitalda baqylanýda», dedi M.Aryspaev.
M.Aryspaevtyń sózine qaraǵanda, tranzittik júk kólikteri qalaǵa kirmeidi, jol-patrýldik politsiianyń kómegimen ainalyp ótedi.
Eske sala keteiik, budan buryn BQO-da koronavirýs juqtyrǵan eki adamnyń Ózbekstan azamaty bolyp shyqqanyn, taǵy bir naýqastyń aýrýhanadan shyǵýǵa daiyndalyp jatqanyn jazǵan bolatynbyz.
