باتىس قازاقستان وبلىسىندا كەشە 391 ادام ترانزيتتٸك جٷك كٶلٸكتەرٸمەن شەكارادان ٶتكەن. بۇل تۋرالى بريفينگتە بقو تاۋارلار مەن كٶرسەتٸلەتٸن قىزمەتتەر ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى مۇحامعالي ارىسپاەۆ مەلٸم ەتتٸ, دەپ حابارلايدى "ۇلت اقپارات".
بۇدان بۇرىن مەملەكەتتٸك كوميسسييانىڭ شۇعىل شتابى بقو-دا جٷك تاسىمالىمەن اينالىساتىن 25 جەنە 27 جاستاعى ٶزبەكستاندىق ەكٸ ازاماتتان كوروناۆيرۋس انىقتالعانىن حابارلاعان بولاتىن.
م.ارىسپاەۆتىڭ ايتۋىنشا, كوروناۆيرۋس جۇقتىرعان وسى ەكٸ اداممەن بٸرگە مەسكەۋدەن تاشكەنتكە بەت العان سول كٶلٸكتە تاعى بٸر ٶزبەكستاندىق جٷرگٸزۋشٸ بولعان. ودان كوروناۆيرۋس جۇقپاسىنا الىنعان تەست تەرٸس نەتيجە كٶرسەتتٸ. بٸراق ول پروۆيزورلىق اۋرۋحاناعا جاتقىزىلدى, دەرٸگەرلەردٸڭ باقىلاۋىندا.
كوروناۆيرۋس جۇقتىرعان ەكٸ اداممەن بايلانىستا بولعان ٷش ەپيدەميولوگ تا تەكسەرۋدەن ٶتٸپ, سىناماسى تەرٸس نەتيجە كٶرسەتتٸ.
«كٷنٸ بٷگٸن وبلىستا 119 ادام كارانتيندە جاتىر. سونىڭ ٸشٸندە التى ناۋقاس وبلىستىق جۇقپالى اۋرۋلار اۋرۋحاناسىندا ەم الىپ جاتسا, 59 ادام كارانتيندٸك ستاتسيوناردا, 54-ٸ پروۆيزورلىق گوسپيتالدا باقىلانۋدا», دەدٸ م.ارىسپاەۆ.
م.ارىسپاەۆتىڭ سٶزٸنە قاراعاندا, ترانزيتتٸك جٷك كٶلٸكتەرٸ قالاعا كٸرمەيدٸ, جول-پاترۋلدٸك پوليتسييانىڭ كٶمەگٸمەن اينالىپ ٶتەدٸ.
ەسكە سالا كەتەيٸك, بۇدان بۇرىن بقو-دا كوروناۆيرۋس جۇقتىرعان ەكٸ ادامنىڭ ٶزبەكستان ازاماتى بولىپ شىققانىن, تاعى بٸر ناۋقاستىڭ اۋرۋحانادان شىعۋعا دايىندالىپ جاتقانىن جازعان بولاتىنبىز.
