Batys Qazaqstan oblysynda bir aptada koronavirýs juqtyrǵandar sany 1 myńnan asty, dep habarlaidy "Ult aqparat".
BQO densaýlyq saqtaý basqarmasy málim etkenindei, sońǵy táýlikte 237, bir aptada 1009 adamnan indet anyqtaldy.
Osy kezge deiin oblysta 17507 adam syrqattansa, sonyń 13920-sy jazylyp shyqty. 266 adam kóz jumdy.
Pnevmoniiamen aýyrǵan 482 adam statsionarlyq, 44-i ambýlatorlyq em qabyldaýda.
Invazivti jasandy tynys alý apparatyna 7, invazivti emes qurylǵyǵa 2, ottegi kontsentratoryna 33, 135 adam ortalyqtandyrylǵan ottegi kózine qosylǵan.
Buǵan deiin 810 tósektik 10 infektsiialyq statsionar bolsa, qazir 1010 tósektik 11 aýrýhanada 627 adam emdelýde. Statsionarlar 62,1 paiyzǵa tolǵan.
Sonyń ishinde 33 naýqas jansaqtaý bóliminde jatyr. Bulardyń úsheýi – 50-ge deiingiler, altaýy – 50-60, 17-si – 60-80 jas aralyǵyndaǵylar, jeteýi – seksennen asqandar. 28-iniń sozylmaly derti bar, 21-i júrek-qan tamyrlary aýrýlaryna, jeteýi qant diabetine shaldyqqan.
Oǵan qosa 4 karantindik statsionarda 17 adam em alýda.
Rezerv retinde 1552 tósek-oryn (787-si infektsiialyq, 765-i karantindik) ázirlendi.
Qazirgi ýaqytta naýqastar aýrýhanalarǵa aýyr jáne asa aýyr halde túsip jatyr.
Jyl basynan beri kovidten 96, sonyń ishinde qańtarda – 28, aqpanda – 15, naýryzda – 30, sáýirde 23 adam qaitys boldy. Olardyń 52-si – áielder, 44-i – er adamdar.
Biyl indet juqtyrǵan balalar sany 599-ǵa jetti.
