Batys Qazaqstan oblysynda qarasha aiynyń alǵashqy bes kúninde otbasylyq sharalardy jasaǵan turǵyndarǵa 13 mln 84,580 myń teńge aiyppul salyndy. Bul týraly oblys ákimi Ǵali Esqalievtiń tóraǵalyq etýimen ótken oblystyq jedel shtab otyrysynda aityldy, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵali Aryspaevtyń málim etkenindei, indettiń órshýine adamdardyń sanitarlyq talaptardy saqtamaýy sebep bolýda.
Monitoringtik toptar júrgizip jatqan túsinik jumystaryna qaramastan, sadaqa, toi ótkizý tyiylmai otyr.
Onyń sózine qaraǵanda, oblysta 1-5 qarasha aralyǵynda 118 adamnyń indet juqtyrǵany tirkeldi. Sonyń ishinde búgin 49 adamnan anyqtalǵan. Qyrkúiekte – 111, qazanda 161 adam aýyrǵan bolatyn. Sońǵy bes kúnde 38 zeinetker, 9 oqýshy jáne 4 muǵalimniń koronavirýs juqtyrǵany belgili boldy.
Indettiń óse túsýine bailanysty oblystyń bas memlekettik sanitar dárigeri 9 qarashadan bastap 14 kúnge qalaǵa kireberiske qaitadan blokpostar qoiý, demalys kúnderi qoǵamdyq kólik qozǵalysyn shekteý, qoǵamdyq tamaqtandyrý oryndarynyń qyzmetin toqtatý, qyzmetkerlerdiń 80 paiyzyna deiin qashyqtan jumys isteýge jiberý jáne basqa qosymsha shekteý sharalaryn engizýdi usyndy.
M.Aryspaevtyń bul usynysy oblystyq jedel shtab otyrysynda qaralyp, tiisti sheshim qabyldanatyn bolady.
