BQO qylmystyq ister jónindegi mamandandyrylǵan aýdanaralyq sotynda Serik Qapizovqa qatysty úkim shyqty, dep habarlaidy "Ult aqparat".
Atalǵan sottyń baspasóz qyzmeti málim etkenindei, S.Qapizovqa QR QK 99-baby 3-bóligi, 202-baby 2-bóligi 1 jáne 5-tarmaqtaryna sáikes aiyptaý úkimi shyǵaryldy.
Sot talqysynda belgili bolǵanyndai, biylǵy naýryz aiynda jubaiy J-ǵa jeńil dárejede dene jaraqatyn keltirgeni úshin Qapizov qamaýǵa alynǵan.
Osy kezde J. nekeni buzý týraly talap-aryz bergen.
Biylǵy 9 sáýirde S.Qapizov áieli turatyn úidiń esigin buzyp kirip, benzin shashyp, ot qoiǵan. Sonyń saldarynan J. men onyń eki qyzy qaza tapqan. Úi iesine 3 mln teńge zalal keltirilgen.
Sottalýshy adamdardy, sonyń ishinde jas balalardy asa qatygezdikpen óltirgeni jáne múlikti qasaqana joiǵany úshin aiypty dep tanyldy. Onyń kinási kýálardyń aiǵaqtarymen jáne saraptama qorytyndylarymen dáleldendi.
Osylaisha S.Qapizov ómir boiyna bas bostandyǵynan aiyryldy. Ol jazasyn qaýipsizdigi tótenshe qylmystyq-atqarý júiesi mekemesinde, sonyń ishinde alǵashqy bes jylyn qaýipsizdigi tolyq mekemede óteidi.
Sot úkimi kúshine engen joq.
