Batys Qazaqstan oblysynda Oral - Atyraý avtojolynda alty kólik tielgen avtotasyǵysh jyraǵa qulap ketti, - dep habarlaidy Tengrinews.kz.
Bul aptadaǵy osyndai ekinshi jaǵdai. Politsiia departamenti oqiǵa 5 naýryzda saǵat shamamen 22.30-da Kóshim aýylynyń mańynda bolǵanyn habarlady.
"Alty jeńil avtokólik tielgen avtotasyǵysh júrgizýshisi kóligin basqara almai, jyraǵa aýdarylyp tústi. Qaza bolǵandar men zardap shekkender joq. Júk qana zaqymdalǵan. Oqiǵa ornynda politsiia men TJD qyzmetkerleri jumys istedi", - dedi vedomstvo ókilderi.
Politseiler 5 naýryzda saǵat 23-ten bastap aýa raiynyń qolaisyzdyǵyna jáne kóktaiǵaqqa bailanysty Oral-Atyraý respýblikalyq tasjolynda kólik qozǵalysy jabylǵanyn atap ótti. Sondai-aq, Oral - Tasqala - RF shekarasy jáne Samara - Shymkent tasjoldary jabyldy.
