Batys Qazaqstan oblysynda aýyldasy pyshaqtaǵan turǵyn mert boldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, oqiǵa 19 sáýir kúni Aqjaiyq aýdany Býdarin aýylynda boldy.
Saǵat 02.30 shamasynda Qazaqstan kóshesinde ornalasqan úi mańynda birge araq ishý barysynda eki turǵyn bir-birimen sózge kelip, sońy tóbeleske ulasqan. 1982 jylǵy er adam 1977 jylǵy aýyldasynyń júrek tusyna pyshaq suqqan.
Sonyń saldarynan jábirlenýshi aýrýhanada kóz jumdy.
Marqumnyń múrdesi sot-meditsinalyq saraptamaǵa jiberildi.
Kúdikti qolǵa túsip, Aqjaiyq aýdandyq politsiia bólimi ýaqytsha ustaý izoliatoryna qamaldy.
Qazirgi kezde QR QK 99-baby 1-bóligine (kisi óltirý) sáikes sotqa deiingi tergeý amaldary júrgizilýde.
