Batys Qazaqstan oblysynda aýyl ákimi shekteý sharalaryna qaramastan ulynyń úilený toiyn ótkizgen, dep habarlaidy "Ult aqparat".
Oral qalasyndaǵy meiramhanalardyń birinde ótken toidyń videosy áleýmettik jelide tarady.
Aqjaiyq aýdany ákiminiń orynbasary Tilek Ǵabdýshev Aqjol aýyldyq okrýginiń ákimi Tátjan Ótemisovtiń qalada toi ótkizgenin rastady.
«Qazirgi kezde Tátjan Ótemisov eńbek demalysynda. Karantin sharalary engizilgenin jaqsy biledi, mundai qadamǵa nelikten barǵanyn túsine almai otyrmyz. Aýyl ákimderi tórt jylǵa sailanatyny belgili, sondyqtan onyń merzimi aiaqtaldy. Aqjol aýyldyq okrýgi ákimin sailaý 30 qazanǵa belgilendi. Úmitkerler tiziminde Tátjan Ótemisov joq», dedi T. Ǵabdýshev.
