Batys Qazaqstan oblysynda asfaltbeton jáne kirpish óndiretin zaýyttar salý kózdelip otyr. Bul týraly oblys ákimi Ǵali Esqalievtiń tóraǵalyǵymen ótken investitsiialar tartý boiynsha ótken keńes otyrysynda málim boldy, dep habarlaidy "Ult aqparat".
«Aqjaiyq» ÁKK« UK» AQ basqarma tóraǵasy Nádir Qurymbaevtyń aitýynsha, óńirde barlyǵy 49 investitsiialyq joba júzege asyrylýda jáne josparlanýda.
Aldaǵy jyly óńir úshin asa mańyzdy birqatar jobalar qolǵa alynbaqshy. Mysaly, qazirgi tańda Bórli aýdany Pepel aýylynda asfaltbeton zaýyty úshin jabdyqtar tańdalýda. Shikizat jetkizý úshin temirjol tuiyqtary qurylysy da qarastyrylýda. Investitsiia quny – 1,4 mlrd teńge. Jylyna 135 myń tonna asfaltbeton óndire alatyn zaýytty «AdalArna Almaty» JShS 2021 jyldyń sońyna deiin iske qosýdy kózdep otyr.
Sol sekildi «West group» JShS Oral qalasy mańynan jylyna 15 mln dana keramikalyq kirpish óndiretin zaýyt qurylysyn aldaǵy jyldyń aiaǵyna deiin salyp bitirmekshi. Joba quny – 3 mlrd teńge.
Aýyl sharýashylyǵy salasynda da birqatar iri jobalar júzege asyrylmaqshy. «Beles-Agro» JShS 2021 jyly quny 3 mlrd teńge turatyn kókónis ónimderin saqtaityn kóterme saýda-taratý ortalyǵyn iske qospaqshy.
«KazMeatlndustry» JShS Syrym aýdanynda analyq basy 5 myńǵa jetetin Romanov tuqymdas qoi ósirmekshi. Investitsiia kólemi – 1,7 mlrd teńge.
«Tasqala qus fabrikasy» JShS Tasqala aýdanynda 90 myń bas inkýbatorymen birge 20 myńǵa deiin túrli qus ustaityn fabrikany (joba quny – 750 mln teńge) jolǵa qoimaqshy.
«World Green Company» JShS 4400 tonna qiiar men 3450 tonna tomat óndiretin jylyjai keshenin salmaqshy. Buǵan 10,5 mlrd teńge qarjy salynyp, keshen iske qosylǵanda, 160 adam jumyspen qamtylmaqshy.
N.Qurymbaev sonymen qatar biyl jyl sońyna deiin márege jetetin jobalardyń da bar ekenin jetkizdi. Aqsai qalasynda «Green Spark Limited» JShS kún panelin shyǵara bastamaqshy. Jylyna 50 myń danaǵa deiin kún panelin óndiretin jobaǵa investor 840 mln teńgesin salyp, 100 jumys ornyn ashty.
Sondai-aq oblysta jýyq arada eki kókónis qoimasy iske qosylmaqshy. Onyń biri Báiterek aýdany Ianvartsev aýyldyq okrýgi Kirsanov eldi mekeninde oryn tepken. «Baystone» JShS 1,1 mlrd teńgege salyp jatqan qoimada 4 myń tonna ónimdi saqtaýǵa bolady. Al Rýbejin aýyldyq okrýginde «Rýbejinskii» kásiporny ónimdi saqtap qana qoimai, ony óńdeitin qoimany ashpaqshy.
Oblys ákimi Ǵali Esqaliev investitsiialar tartyp, óńir úshin mańyzy zor jobalardy ýaqtyly júzege asyrý qajettigin atap kórsetip, naqty tapsyrmalar berdi.
