Batys Qazaqstan oblysynda 8 jylqyny poiyz basyp ketti, dep habarlaidy "Ult aqparat" kóliktegi politsiia departamentiniń baspasóz qyzmetine silteme jasap.
«Biylǵy jylǵy 11 qarashada saǵat 22:35-te Oral stantsiiasyndaǵy Jelilik politsiia bólimine «Pepel» razezinde júk poiyzynyń mashinisi temirjol ústinde jaiylyp júrgen úi janýarlaryn baiqap, shuǵyl tejegishti qoldanǵany týraly habarlama kelip tústi. Soǵan qaramastan poiyz 8 jylqyny qaǵyp óltirdi», - dedi Kóliktegi politsiia departamenti Ákimshilik politsiia basqarmasynyń bastyǵy Jasulan Baikenov.
Onyń sózinshe, atalǵan fakti boiynsha oqiǵa ornyna Oral stantsiiasynyń jelilik politsiia basqarmasynyń jedel-tergeý toby shyqty. Ótkizilgen is-sharalar nátijesinde úi janýarlarynyń iesi Batys Qazaqstan oblysynyń turǵyny ekeni anyqtaldy. 43 jastaǵy áielge QR ÁQBtK-niń 559-babynyń 1-bóligi, iaǵni temirjol boiynda mal jaiý qaǵidalaryn buzý faktisi boiynsha 5 ailyq eseptik kórsetkish mólsherinde ákimshilik aiyppul salyndy.
«Biylǵy jyldyń basynan beri temirjol boiynda mal júrýine bailanysty poiyzdardy shuǵyl tejeýdiń 1628 faktisi tirkeldi. Temir joldardyń bólingen jolaǵynda mal jaiǵany úshin jalpy 1124 quqyqbuzýshy ákimshilik jaýapqa tartyldy», - dep tolyqtyrdy sózin Baikenov.
«Kólik politsiiasy úi janýarlarynyń temirjolǵa shyǵýy poiyzdardyń qozǵalysyna qaýip tóndiretinin taǵy da eske salady. Shuǵyl tejeý jolaýshylardyń densaýlyǵy men ómirine, sondai-aq tasymaldanatyn júkterge zalal keltirýi múmkin. Janýarlarmen soqtyǵysqan kezde lokomotiv zaqymdanady, jol shyǵynǵa ushyraidy. Poiyzdardyń qozǵalys kestesinde buzýshylyqtar paida bolýyna ákep soǵady», - delingen habarlamada.
