باتىس قازاقستان وبلىسىندا 8 جىلقىنى پويىز باسىپ كەتتٸ, دەپ حابارلايدى "ۇلت اقپارات" كٶلٸكتەگٸ پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«بيىلعى جىلعى 11 قاراشادا ساعات 22:35-تە ورال ستانتسيياسىنداعى جەلٸلٸك پوليتسييا بٶلٸمٸنە «پەپەل» رازەزٸندە جٷك پويىزىنىڭ ماشينيسٸ تەمٸرجول ٷستٸندە جايىلىپ جٷرگەن ٷي جانۋارلارىن بايقاپ, شۇعىل تەجەگٸشتٸ قولدانعانى تۋرالى حابارلاما كەلٸپ تٷستٸ. سوعان قاراماستان پويىز 8 جىلقىنى قاعىپ ٶلتٸردٸ», - دەدٸ كٶلٸكتەگٸ پوليتسييا دەپارتامەنتٸ ەكٸمشٸلٸك پوليتسييا باسقارماسىنىڭ باستىعى جاسۇلان بايكەنوۆ.
ونىڭ سٶزٸنشە, اتالعان فاكتٸ بويىنشا وقيعا ورنىنا ورال ستانتسيياسىنىڭ جەلٸلٸك پوليتسييا باسقارماسىنىڭ جەدەل-تەرگەۋ توبى شىقتى. ٶتكٸزٸلگەن ٸس-شارالار نەتيجەسٸندە ٷي جانۋارلارىنىڭ يەسٸ باتىس قازاقستان وبلىسىنىڭ تۇرعىنى ەكەنٸ انىقتالدى. 43 جاستاعى ەيەلگە قر ەقبتك-نٸڭ 559-بابىنىڭ 1-بٶلٸگٸ, ياعني تەمiرجول بويىندا مال جايۋ قاعيدالارىن بۇزۋ فاكتٸسٸ بويىنشا 5 ايلىق ەسەپتٸك كٶرسەتكٸش مٶلشەرٸندە ەكٸمشٸلٸك ايىپپۇل سالىندى.
«بيىلعى جىلدىڭ باسىنان بەرٸ تەمٸرجول بويىندا مال جٷرۋٸنە بايلانىستى پويىزداردى شۇعىل تەجەۋدٸڭ 1628 فاكتٸسٸ تٸركەلدٸ. تەمٸر جولداردىڭ بٶلٸنگەن جولاعىندا مال جايعانى ٷشٸن جالپى 1124 قۇقىقبۇزۋشى ەكٸمشٸلٸك جاۋاپقا تارتىلدى», - دەپ تولىقتىردى سٶزٸن بايكەنوۆ.
«كٶلٸك پوليتسيياسى ٷي جانۋارلارىنىڭ تەمٸرجولعا شىعۋى پويىزداردىڭ قوزعالىسىنا قاۋٸپ تٶندٸرەتٸنٸن تاعى دا ەسكە سالادى. شۇعىل تەجەۋ جولاۋشىلاردىڭ دەنساۋلىعى مەن ٶمٸرٸنە, سونداي-اق تاسىمالداناتىن جٷكتەرگە زالال كەلتٸرۋٸ مٷمكٸن. جانۋارلارمەن سوقتىعىسقان كەزدە لوكوموتيۆ زاقىمدانادى, جول شىعىنعا ۇشىرايدى. پويىزداردىڭ قوزعالىس كەستەسٸندە بۇزۋشىلىقتار پايدا بولۋىنا ەكەپ سوعادى», - دەلٸنگەن حابارلامادا.
