Batys Qazaqstan oblysynda klientterge tiesili qarjyny jymqyrǵan «Qazposhta» AQ bólimshesiniń basshysy 7 jylǵa sottaldy, dep habarlaidy "Ult aqparat".
QR Qarjy ministrligi Qarjy monitoringi komitetiniń baspasóz qyzmetinen túsken málimetke qaraǵanda, atalǵan qylmystyq isti BQO boiynsha ekonomikalyq tergeý departamenti aiaǵyna deiin jetkizdi.
Qaztalov aýdanynda «Qazposhta» AQ Jalpaqtal poshta bólimshesiniń bastyǵy qyzmet babyn paidalanyp, 37 mln astam teńgeni zańsyz jymqyrǵan. Ol «Colvir» baǵdarlamasy arqyly birqatar zańdy jáne jeke tulǵalardyń qarjysyn óziniń jeke karta shotyna aýdarǵan. Oǵan qosa atalǵan baǵdarlama jumys istemei qaldy degen jeleýmen klientterge kvitantsiiasyn bermei, jiberiletin zattardy tóleýge arnalǵan aqshany da iemdengen.
Qaztalov aýdandyq №2 sotynyń úkimimen poshta bólimshesiniń bastyǵy QR QK 189-baby 4-bóligi 2-tarmaǵyna sáikes aiypty dep tanylyp, 7 jylǵa bas bostandyǵynan aiyryldy. Ol sonymen qatar memlekettik jáne kommertsiialyq uiymdarda materialdyq jaýapkershilikke bailanysty qyzmetter atqarý quqyǵynan ómir boiyna aiyryldy.
Eske sala keteiik, budan buryn BQO-da sapasyz munai ónimderin jetkizgen kásiporyn direktory sottalǵanyn jazǵan bolatynbyz.
