Batys Qazaqstan oblysynda koronavirýs juqtyrǵan 43 meditsina qyzmetkeri juqpaly aýrýlar statsionarynda emdelip jatyr, – dep habarlaidy "Ult aqparat".
BQO Densaýlyq saqtaý basqarmasynyń basshysy Bolatbek Qaiýpovtyń aitýynsha, óńirde indet bastalǵannan beri 150-den astam meditsina qyzmetkeri koronavirýs juqtyrdy.
Olardyń basym kópshiligi jazylyp shyqty, birqatary qyzmetterine qaita kiristi.
Qazirgi tańda 43 qyzmetker tiisti em alýda, olardyń kópshiligi buryn koronavirýs juqtyrǵandarmen qarym-qatynasta bolǵan.
Sondai-aq aýrý jedel járdem qyzmetkerlerin de ainalyp ótken joq. Olardyń arasynan 11 adam syrqattansa, sonyń úsheýi emdelip shyqty. Kúni búgin óńirdegi juqpaly aýrýlar statsionarlarynda 665 tósek-oryn bar. Onyń sanyn aýdandar esebinen 717-ge jetkizý múmkindigi bary aitylýda.
«Qazirgi tańda mamandar jetispeýshiligi sezilýde. Kóptegen dárigerler birneshe ai boiy úilerine barmai, qyzmet atqarýda, jumys kestesi óte tyǵyz. Sondyqtan jaǵdai óte kúrdeli. Túrli sebeptermen aqysy saqtalmaityn demalysqa ketken dárigerlerge turǵyndardyń saýalyna tez de dál jaýap berýi úshin bizdiń bailanys ortalyqtarynda jumys isteýdi usynýdamyz. Al aýdandarda jaǵdai qalypty. Aýdandardan dárigerler men medbikelerdiń Oralǵa jiberilýi arqasynda jaǵdaidy baqylap otyrmyz. Eger aýrýlar sany óse berse, kadr jetispeýshiligi odan saiyn sezile túsetin bolady. Sondyqtan turǵyndardan aýyryp, em izdemeý úshin sanitarlyq talaptardy barynsha saqtap, dárigerler jumysyn jeńildetýdi suraimyz», - dedi B.Qaiýpov.
Eske sala keteiik, budan buryn Batys Qazaqstanda koronavirýsqa shaldyqqan 58 naýqastyń aýyr halde jatqanyn jazǵan bolatynbyz.
