Foto: Polisia.kz
Batys Qazaqstan oblysynda 10 turǵyndy oqý oryndaryna aýystyryp beremin jáne júrgizýshi kýáligin alyp beremin dep aldaǵan kúdikti qolǵa tústi, dep habarlaidy Ult.kz.
Politsiianyń kiberqylmysqa qarsy is-qimyl basqarmasy 31 jastaǵy Aqtóbe turǵynyn ustady. Tergeý málimetinshe, ol áleýmettik jelilerde jalǵan habarlandyrýlar jariialap, azamattardyń senimine kirip, aqshalaryn iemdengen.
Kúdiktiniń zańsyz áreketinen BQO-nyń 10 turǵyny japa shekken. Keltirilgen jalpy shyǵyn kólemi 1,4 million teńgeni qurady.
Operativtik is-shara kezinde alaiaq Almaty qalasynda ustalyp, Oralǵa jetkizildi. Qazir ol ýaqytsha ustaý izoliatorynda otyr.
Atalǵan derek boiynsha «Alaiaqtyq» baby boiynsha qylmystyq is qozǵaldy. Zańǵa sáikes aiyptalýshy múlki tárkilene otyryp, úsh jyldan jeti jylǵa deiingi merzimge bas bostandyǵynan aiyrylýy múmkin. Tergeý amaldary jalǵasýda.
