Batys Qazaqstan oblysy ákiminiń turǵyndarmen kezdesýi onlain túrde ótedi, dep habarlaidy "Ult aqparat".
BQO ákiminiń baspasóz qyzmeti málim etkenindei, aýdandar men Oral qalasy basshylarynyń esepteri 3-16 aqpan aralyǵynda josparlanǵan. Oblys ákiminiń qorytyndy esep berý kezdesýi 20 aqpan kúni ótedi.
Turǵyndardyń qaýipsizdigin qamtamasyz etý maqsatynda oblys, qala jáne aýdan ákimderiniń eseptik kezdesýleri onlain rejiminde ótkiziledi. Oblys pen qala ákiminiń eseptik kezdesýi tikelei efir formatynda oblystyq telearna men ákimdiktiń áleýmettik jelilerdegi resmi paraqshalarynda uiymdastyrylady.
Turǵyndardyń esep berý kezdesýlerine onlain túrde qatysý tártibi men tikelei efirge siltemeler keiin habarlanady.
Halyqtyń usynystaryn, eskertýleri men pikirlerin jinaýdy qamtamasyz etý maqsatynda ákimdik ǵimarattarynda arnaiy jáshikter ornatyldy.
Eske sala ketsek, qazirgi kezde aýyldyq okrýg ákimderi sanitarlyq talapty saqtai otyryp, turǵyndarmen tikelei kezdesip, esep berip jatyr.
